|
8 Januarie 2007:
Dis heerlik om terug te wees in Villiers, maar ja,
munisipale- (of enige ander) infrastruktuur is nou nie
exactly top priority hier nie. As gevolg van gedurige
power surges het ek onophoudelike PC-probleme gehad en
dan moes alles eers weer Pretoria toe om reggemaak te
word (baie dankie aan
Popular Demand, ons IT sponsors), daarom die lang
stilte.
Die September gigs by Steak and Ale was great (wat 'n
voorreg om deel van die Nuwe Kop, Oopkop, Gatskop gigs
te gewees het!) en dan was daar ook Gariep kunstefees.
..Alhoewel Gariep darem minder van 'n nagmerrie as KKNK
was, begin ek egter te wonder hoekom ons nog bother met
"kunste"-feeste. Daar bestaan nie meer so so iets nie;
dis nou net flea-markets en geëikte
covers songs oor en oor. Die regte kunstenaars en bands
kry nie naastenby die aftrek, wat 'n flossie of hunk in
stywe kleertjies met nie een original song in sy/haar
repertoire kry nie. Die Gatskop stage (net bands) het
omtrent 'n kwart van die audience van die meer kommersiële
stages gehad. Be afraid for our culture...be very
afraid...Boonop lyk dit my of die organisers nie 'n clue
het watse musiek wie doen nie. Om ons en Klopjag tussen
Stefan Ludik en Thys Die Bosveldklong te boek, maak nie
juis vir great continuity nie. Wil egter veral die
Klipdrift verhoog bedank vir die lekker kos en drankies
en veral omdat hulle die savy gehad het om ons, Melktert
Komissie en Jan Blom in opeenvolgende slots te plaas.
Dis mos hoe dit werk met eish.
Kimberley is een van die weirdste plekke wat ek al
in was. Die mense is vreeslik nice, maar niemand kon my
verduidelik hoekom die Groot Gat (maar net die dorp se
grootste toeriste attraksie) tydens die dorp se grootste
fees toe is nie, of hoekom die oudste hotel in die plek
net 'n stukkie van die original bar en 3 ou foto's oor
het en verder in gomgat-formica-styl gedecorate is
nie. As dit nie vir die eienaar van die Gossip Lounge
(en sy killer breakfasts) was nie, sou ek sweer
niemand voel iets vir die town se roemryke geskiedenis
nie.
Tussen deur het ek en Bobby (van Jaarsveld) ons sinusse
toegegooi met medisyne en ginger-brandy (daai goed gee
enige iemand 'n stem vir at least 15 minute). So ten
spyte van wat die celebrity-gevulde audience (ek kon nie
altyd my cool hou en nie staar nie) in Emerald Casino
gedink het: ek kan actually perform sonder dop (en
doen gewoonlik), maar na die bekrompte smokersroom, moes
ek na elke song maar keel natmaak met genoemde ginger
brandy.
Sal die 94.7 Stero inbellers nou maar oor hulself kom?
Die hele land het op Kwela gesien dat Villiers nie die "simpelste plek in die land" is nie! Ons coolste crazed fan
Linda, sal een van die dae "I love Villiers" en "My
family went to Villiers and all I got was this lousy
t-shirt" t-shirts beskikbaar stel ;-)... Ek weet niemand
glo my nie, maar die res van die band het ook actually
tydens die onderhoud gepraat (ja, ja ek het, soos
gewoonlik, verbal diaree gehad), maar dis nie my skuld
dat die insetsels te kort was om alles uit te saai nie...en
die meeste van Villiers glo my ook nou nog nie dat Solo
wel met sekere mense praat nie...
Die band het in November en Desember bietjie moes
terugstaan vir studiowerk vir ander kunstenaars (ons
bedryf ook 'n sound studio) en ek 'n gebreekte
stuitjie nurse (you don't want to know, lees
hier meer oor die simpel
goed wat my gedurig oorkom), maar ons jeuk al weer vir
'n lekker gig, so ons check julle binnekort met die
tunes!
17 Junie 2006:
Okay, sorry....die bek was bietjie lank stil. Daar het
so baie gebeur dat ek actually vir 'n paar maande meer
gedoen as gesê het :-).
1) Ek en die Morkels het ons 1ste CD saam, Halleluja
Suid-Afrika, opgeneem en uitgegee. Snippets van die CD
kan
hier
gehoor word. Dit sluit ook "daai song van die
kolliehonde", soos mense na dit verwys vanaf die Steve
show , in (song se naam is eintlik Rooikappie & Die
Wolf). Ons bedryf ook nou ons eie opname ateljee onder
"Gypsy Musiek" en het dus tussen die 3 van ons alles,
tot die opnames van die CD, gedoen.
2) Ons het 'n helse traumatiese KKNK2006 deurgemaak. Dit
was maklik die swaks-georganiseerde fees wat ek al by
was. Waar mens vorige jare tussen happy feesgangers
deurgeskuur en in toue gestaan het, het ons ons hierdie
keer 'n paar keer alleen in 'n biertuin bevind (nogal
terwyl ander kunstenaars daar optree). Ek weet nie wat
die organiseerders besiel het om dit nie oor paastyd,
soos gewoonlik, te hou nie en met nog 'n klomp mense wat
geboikot het, ondermeer oor Polisiekar se deelname, was
die opkoms swakker as by 'n AWB saamtrek in Soweto. Om
alles te kroon word my huis ook toe by ingebreek en
alles, tot die groceries, gesteel, terwyl ons daar is.
Ek kry toe hierdie heugelike nuus terwyl ek sit en wag
om 'n radio onderhoud te doen, Skuus outjies, ek sou nog
aangegaan het as hulle my net besteel het, maar toe ek
hoor die slym het ook my 1 katjie doodgemaak, was ek
net nie meer lus om "Halleluja Suid-Afrika" met 'n smile
op my gesig te sing nie. Ons het dus die volgende dag
ons verdere optredes gekanselleer en die dag daarna
teruggery. Dis in elkgeval nie asof dit die moeite werd
was om verder in daai temperature van 40+ op Oudtshoorn
rond te foeter nie.
Die enigste nice van KKNK was die Schoombie's se huis in
Grootbrak, wat hulle vir ons geleen het. Dankie julle,
dit was pleister vir die siel en hitte. Anyway, ek is
darem nou al oor die egste hartseer, maar is nog steeds
die hel in en al ignoreer die SAPD my flat, sal ek
hulle pes tot hulle results kry (ek moes aanvanklik
hulle wit lek net om die vingerafdrukke te kom neem -
wat nou nog nie verwerk is nie - en ander evidence, soos
een van die Mugu's se skoene wat hy in my huis gelos het,
te vat en hulle het ook nog nie eers met die ooggetuie
gepraat nie).
3) Dan het daar darem ook 'n goeie ding of twee intussen
gebeur. Die beste van die lot is Solo, ons nuwe lead
guitarist. Hel, die man is ongelooflik op 'n kitaar en
kan boonop nog bekfluitjie en konsertina ook speel. Ek
is al van 2004 met hom pelle, maar hy was voorheen
in 3-Ply (Villiers se grunge band, wat nou opgebreek het),
so ons het nie aanvanklik gedink hy sal wil boererock
maak nie. Turns out he's great at it en het dadelik ja
gesê toe ons hom na KKNK nader. Ons neem binne die
volgende maand 'n nuwe demo saammet hom op, sodat mense
die nuwe sound kan hoor. Met hom by, het ons nou ook nie
meer nodig om support tracks te gebruik nie, wat in elk
geval altyd klank probleme veroorsaak het, en kan nou
alles live op stage doen. One-track Johanna doen nou
bass en backing vocals, met DG steeds op dromme en ek op
rhythm kitaar en vocals.
Nou ja, afgesien van die feit dat ek maar net nie lekker
in die stad aard nie, raak ons studio nou ook baie besig
en ek is weer single, so dit maak vir my sin maak om
terug te trek Villiers toe. Ek is amper klaar gepak en
sal van 1 Julie af weer my intrek in 'n lekker groot ou
huis daar neem. Hopelik kry die "Gypsy" in my nou rus,
want ek raak nou finally effens fed-up vir trek ook.
Check julle met die tunes en 'n smile wat amper weer net
so groot is soos dit in Rapport was (dit was nogal
histeries toe ek by my slot op KKNK daai oggend opdaag
en mense groet my met 'n Rapport-voorblad in die hand- ek
het geweet dit kom, maar nie wanner nie - en daar trek
ek bek in al my rooi en lemmetjie-groen glorie).
22 Januarie 2006:
Hoop julle het 'n great Krismis gehad en dat 2006 die
beste jaar ooit is.
Nou ja, ek en die 2-Year Guarantee Band skop toe die
jaar af met 'n Vrydag die 13de gig op Tzaneen. Dis vrek
warm daar, maar die jols het geen einde nie. Ons het
4:30 Saterdag oggend by ons gastehuis aangekom en tot 5
uur in die swembad gelê, voor ons kon gaan slaap.
Vind ook op hierdie trippie uit dat Ronnie, ons klankman,
'n ongelooflike kennis van plante het, maar D/G Drommer
en One-track Johanna was toe 'n paar maande gelede ook
saam met hom in die Wildtuin, so die sarkasme in die lyn
van "gaan ons nou weer hoor watse plant onder elke
olifant se agterstewe uitloer", van D/G se kant af, het my en
Johanna goed entertained gehou op die 6 ure rit. Die 2
is so te sê bloedbroers, maar blykbaar sien D/G ook nie
kans om met Ronald 'n kamer te deel nie, al is Tzaneen
so geil dat die balke wat R saag heelwaarskynlik sal
groei. R het egter sy revenge gekry deur ons te try
afcut met musiek elke keer as ons die woord "Cheetah"
mention (hy's amper 'n groter Blou Bul-ondersteuner as
Steve).
Het die "Dis hoe dit is.." uitsending saammet die band
in Villiers gevier. Ons is dalk nou volkshelde in die
Vrystaat, want van ons eerste terugvoerings was 'n van
laaitie by die kerk met "Hallo Tannie, Tannie het Steve
darem lekker getune met die rugby, né!".
O ja, 'n dogtertjie by Ou Poot (restaurant in Balfour)
het my ook sommer, so met die vurk oppad na my mond toe,
in die restaurant gevra om 'n song te sing. Jammer
meisiekind, maar ek dink ek sou nog meer "volksvreemd"
voorgekom het, as ek daar in song sou uitbars.
Het weereens besef wat 'n amazing onderhoudvoerder Steve
is. Die gewraakte "naam-gat-maak" verwysing het sy
oorsprong uit 'n artikel van my wat in Vonk gepubliseer
was. As jy "vreesloos" genoeg is, lees die hele artikel
hier. Dalk kan ek die artikel extend met die die show as
episode?
Ons CD vorder. Sy titel gaan "Halleluja Suid-Afrika"
wees, en ja, die volle Cheetah-song sal daar op wees.
Ons hoop om die baby begin April die lig te laat sien (wie
stoot so? :-).
22 September 2005:
En daar kry ek toe laas Vrydag die uitnodiging in my
mailbox om op "Dis hoe dit is...met Steve" te verskyn!
Die opnames geskied op Sondag 6 November by die Barnyard
Theatre in Alberton, as jy belangstel om in die audience
te wees. Het geen idee wanner dit uitgesaai gaan word
nie, maar dit sal heelwaarskynlik eers volgende jaar
wees en ek sal julle op hoogte hou. Aangesien ons
binnekort met die opnames van my nuwe CD (saammet Die
2-Year-Guarantee Band) begin, het ek dit goed gedink om
ook vir die program saammet die band op te tree. Omdat
ons
tot dusver nog net 'n studio band was, begin ons Vrydag
met intensiewe rehearsals. Die volgende CD word ook
saammet die band gemaak en ons hoop om dit vroeg in 2006
beskikbaar te stel.
Intussen het ek ook op die soapbox
www.litnet.co.za (Die
Coning se los tong en ander fabels) en
www.kraaipromosies.co.za (Ope brief aan Jacques de
Coning) geklim oor die frustrasies van onafhanklike
kunstenaars en record labels. Alhoewel ek mal oor
redeneer is, is ek nie regtig een vir fight nie. Ek het
egter hierdie keer gevoel om my bek te rek, want ek is
relatief fed-up vir die persepsie, wat deur die media
geskep word, dat slegs kunstenaars wat by record labels
is kwalitieit luisterstof bied. Soos ek ook in my
bydraes noem: Die record labels het die volste reg om
hulle finansies agter hulle kunstenaars te gooi (hulle
het after all hulle besigheid in 'n vryemarkstelsel
opgebou), maar ons verloor baie talent in hierdie land,
wat eenvoudig opgee, omdat hulle nie blootstelling op
radio, TV en in publikasies kan kry as hulle nie deur 'n
groot record label werk nie (daar word in meeste gevalle
nie eers na hulle CD's geluister vir oorweging deur die
media nie). Bemarking is
natuurlik vir 'n muso net so belangrik soos dit vir
enige ander besigheid is, want hoe gaan jy 'n bestaan
maak as niemand van jou weet nie? Anyway, lees maar die
discussions op die sites. Ek moet natuurlik net
kategories state dat ek nie hier betrokke geraak het net
ter wille van myself nie. Omdat ek ook 2 ander SA music
sites run en vir ander kunstenaars liedjies skryf, kry
ek nogal baie te doen met die frustrasies wat verskeie
kunstenaars ervaar. Dit maak my nie 'n bof nie, maar ek
voel baie sterk oor SA se musiek talent (gesign of
ongesign).
Okay, klaar gepreek.
Check julle met die tunes, soos altyd.
12 Augustus 2005:
Ek het die operasie oorleef en trek weer 27 Augustus by
Pretoria Skou weg met optredes. Het nog nooit in my lewe
so baie geslaap en rondgelê , soos hierdie afgelope 4
weke nie; dit mag dalk baie lekker klink, maar glo my,
vir 'n Virgo is dit nie, want ons lê mos heeltyd en
wroeg oor alles wat nog gedoen moet word.
Moet net eers brag: Steve Hofmeyr het my jaar gemaak.....iemand
stuur nou die dag vir my 'n link na 'n interview met Die
Steve op Litnet (die interview is al 9 Junie geplaas,
maar ek is mos altyd die laaste om te weet wat oor my
gesê word). Nou ja, die stukkie wat my hartjie
baie bly gemaak het, as volg:
"Litnet: Na watse tipe musiek luister jy?
Steve: Plaaslike demos. Tot vervelens toe. Meesal
Afrikaans maar ongelukkig baie min wat uitstyg. Die
bênds is steeds boring digters in Emin en die
backtrackers steeds klone in E maj. Ek’s bly dit bly
moeilik om dit te maak. Ek luister tans weer Wagner se
duette afgewissel deur Rammstein, KORN, Mafikizolo en
Krisstofferson. Jirre, Afrika maak jou
skitzo.
Litnet: Luister jy na Afrikaanse musiek (gedink jy gaan
wegkom met die ene?)
Steve: Ja. Onlangs deur Bacchus Nel, Platanna en Nicolis
Louw beïndruk. Ek probeer Blohm se
CD voortrek oor al sy toekennings, maar dis net sy
lewende energie in aksie by die GMT’s wat my bybly. Soos
die vorige messiasse, sal hy moet oplyn agter Mel Botes,
ddisselblom en Riku waar ons almal reeds wag om die
omtrek en lewensduur van hul “redding” en invloed waar
te
neem en te kanoniseer. Ek kan nie sê ons is in slegte
hande nie. Ek hoop net hulle word nie slawe van
verwagtinge nie. Ralph kon ons iets daarvan vertel. "
23 Junie 2005:
Met 'n groot gejuig het ons toe die "In die kring van
die digters"-CD gemaak gekry en die show gedoen. Die
kort weergawe is dat ons tydsbplanning totaal moeder toe
gestuur is deur 'n spike in Villiers se kragtoevoer
Vrydagaand. Die gevolg was dat die studio se rekenaar se
moederbord 'n gonner is en ons met ons vingers in ons
ore sit en die bitter smaak met 'n paar doppe moes
afsluk. Ek en June jaag toe maar die Saterdag deur Pta
toe om rekenaar parte te vervang, Hennie (ons geduldige
techie) laai vir ons alles oor die Sondag, ek neem my
intrek vir die week en ons werk ons gatte af (tussen
June en Derek se day jobs deur) vir die res van die
week.
"PlatAnna en die 2-year-guarantee-band" se eerste projek
was miskien nie tegnies baie geseënd nie, maar ek het
finally my band gekry en sien uit na 'n lang pad saam.
Die band bestaan uit: One-track-Johanna (June) -
klawerbord instrumentasie en backing vocals, D/G
Drommer (Derek) - dromme en tamboeryn...en die uwe op
kitaar, voorsang en backing vocals.
Soos julle kan aflei is ons net drie en elkeen vervul
meer as een funksie. Met lewendige optredes sal ons van
die goed opneem as backtracks en elkeen een instrument
lewendig bespeel. As ons planne uitwerk, sal die band se
eerste amptelike live optrede saam in 2006 wees (ons
moet nog oefen en sekere logistics uitwerk). Intussen
sal ek voortgaan met solo optredes (met die band se
instrumentasie as backtracks).
Snippets van die CD kan hier gekry word.
O ja...Weakest Link....soos vermoed, is meeste van my
ligsinnigste uitsprake gesny (soos bv. dat ek vir een
van die girls gevote het omdat ek gedink het "haar
bustline is nie geskik vir family-viewing nie" ....dit
was klaarblyklik ook dan die program editor se gevoel
oor baie van wat ek kwytgeraak het :-). Die weirdste vir
my was dat ek vreeslik serious gelyk het op die
program....die frons en skewe nekkie was egter omdat ek
my linkeroor moes draai om mooi te kon hoor (ek is 80%
doof in my regteroor...great defect vir 'n sanger en
songwriter om te hê, ek weet, maar soos julle weet laat
ek my nie deur sulke minors afsit nie). Verder was die
hele opname baie meer sports as wat dit gelyk het en ek
kan julle ook verseker dat ek en Norman oor 'n paar
doppe opgemaak het na die vuile wat ons op hom getrek
het. Ek het ook natuurlik eers gisteraand vir die eerste
keer gesien wat die ander na die tyd gesê het, so,
Monika...jou ma se agterstewe...jou pa het nie beeste
nie :-).
2 Junie 2005:
En die wiele bly rol...het Saterdag vir 'n totaal van 9
ure gesing (by 2 verskillende gigs). By die aand se gig
het ek die voorreg gehad om die verhoog met Johan du
Plooy (Project Fame) te deel. Man, wat 'n muso!!! Kyk
die man is 'n rocker deur en deur en ons weet hy kan
rock,
maar wat my flou gehad het is toe hy vir Fanie
agtergrond-geluide begin maak op 'n impromptu rap en
selfs probeer het om "lepel lê" op kitaar te speel. Wil
nogal gedoen wees hoor...Baie dankie aan Carl, Fanie en
Engela, dit was 'n great paartie!!!
Ek werk tans aan 'n gedigte projek met die voorlopige
titel "In die kring van die digters" (dis 'n change vir
my, wat gewoonlik in die kring van die spotters sit).
Dis 'n opdrag-projek waar ek wysies vir bestaande
gedigte gekomponeer het, maar ons gaan wel 'n CD van
hierdie gedigte/songs maak. Weet nog nie hoe ver en wyd
ons hom gaan verkoop nie, dalk net by optredes en op
hierdie site. Die lekker van die projek is dat ons live
instrumente gebruik (ek speel sommer self die ritme
kitaar). Die volgende official PlatAnna CD se opname
word
beplan vir Desember 2005, saammet dieselfde groep
musikante (June en Derek Morkel, my 2-year garuantee
band).
Ek sit tans sonder 'n landlyn, so updates en die
beantwoord van e-mails gebeur maar baie sporadies. Wees
asb geduldig, u oproep sal beantwoord word (eventually).
Soos julle seker by die gigs-seksie gesien het, moet ek
tussen 12 Julie en 25 Augustus bietjie afvat - dis vir
'n operasie. Ek wens dit was kosmeties, maar ongelukkig
nie, maar net die lyf wat se dele nie altyd wil werk
soos hulle moet nie (ek gaan asb tog nie in detail
ingaan oor die operasie nie -dis nie my idee van goeie
geselskap nie).
Kyk gerus hoe maak ek 'n totale aap van myself op The
Weakest Link op 22 Junie. Ek dood self om te sien wat
hulle gaan uitsaai, want mens neem natuurlik vir ure op
en net 40 minute word uitgesaai. Het ook geen idee wat
die ander deelnemers van my gesê het nie, sal saammet
julle kyk.
Check julle met die tunes!
29 Maart 2005:
KKNK 2005....
Ek kon ongelukkig net vir paasnaweek afgaan (a.g.v ander
werk verpligtinge), maar van nou af is daar min wat my
van KKNK sal weghou, so volgende jaar gaan julle genoeg
van my kry om gatvol van te raak.
My verlange na die Klein Karoo (my pa het vir jare daar
geboer) is ook altyd meer akuut as ek pas terug is
daarvan af, maar sal maar moet vasbyt (ek hoop om
Desember weer Kaap se kant toe te kan kom).
My algemene gevoel oor KKNK 2005 is een van overwhelming
dankbaarheid...
Ek is nou nog in 'n daze oor die hoeveelheid CD's wat
verkoop is en die amazing reponse van mense wat my
optredes bygewoon het.
Ek sal nog vir lank giggel oor SW en sy crowd se doo-wap
moves saammet "Armblankes" by die CDR verhoog, die
gechant van "PlatAnna! PlatAnna!" by die Vonk verhoog,
die gedansery op my
musiek by die RSG verhoog en die uitdrukking op sekere
mense se gesigte by die Klip inni Den en Kobus se Gat
oor my lirieke.
Ek is nou meer as ooit tevore oortuig van hoe sterk
Afrikaans is en hoe ontvanklik mense vir nuwe liedjies
kan wees.
Baie dankie aan almal wat my laat voel het asof ek 'n
bydrae het om te lewer tot SA musiek! Ek hoop ons gaan
nog baie jols saam hê!
17 Januarie 2005:
Okay, die Worcester ding het toe nou nie uitgewerk nie
en ons is nou weer terug in Centurion, my ou stomping
ground, waar die man 'n beter job offer gekry het.
Ek gaan Villiers verskriklik mis (gigs in daai geweste
sal natuurlik voorkeur kry, sodat ek ook kan gaan kuier).
Die Villiers musiek movement woed voort en ek sal steeds
daarmee ondersteun waar ek kan. Watch uit vir 3-Ply,
Villiers se eie grunge-rock band en as jy ooit
'n bekostigbare CD opname, songs en backtracks soek,
kontak vir June en Derek Morkel van DJ lirieke en musiek
by 082 413 9221.
Met al die gerondvallery het ek natuurlik uitgemis op
baie optredes oor Desember en Januarie, maar is nou weer
volstoom aan die organise vir optredes in 2005.
Die Netstar gig was 'n jol saammet Die Campbels, Anke en
Dezi (watch uit vir hierdie girl, sy het 'n ongelooflike
talent vir sing en songs skryf). Baie dankie aan Nick,
Analise en hulle span, wat ons almal soos sterre laat
voel het.
Ek hoop die babbelas is oor en dat 2005 vir julle almal
vol geld, musiek en vreugde sal wees!
27 Oktober 2004:
Ja, jammer julle. Die bek was bietjie stil die afgelope
ruk, maar dis om goeie redes:
Ek en die langpad - Het by 'n paar lekker plekke gaan
optree: Bloemfontein, Kriel, Nylstroom, Potgietersrus,
Rustenburg, ens. Ai, dis nie net Beaufort-Wes nie, die
hele SA is darem beautiful!
Ek en die Wander Lust - Haai, wee jy, ek kan ok maar net
sowel 'n karavaan kry en dit huis noem. Na net 'n jaar
in Villiers, trek ons nou Worcester toe. Die Man het 'n
job daar gekry (ja, ek is 'n kept woman, want musiek
betaal nog nie ten volle vir al my behoeftes nie). Nou
ja, die Vrystaat is mooi, die Provinsie-Previously-Known-as-Transvaal
is mooi, maar ek is mos 'n gebore Kapenaar en mis die
berge meer as wat Heidi doen, so ek is oppad. Uit 'n
bemarkings oogpunt uit: Die enigste verskil is dat my
booking rate vir die Vrystaat en die Provinsie-Previously-Known-as-Transvaal
nou noodgedwonge meer sal wees.
Aan al die venues en radio stasies in die Vrystaat en
die Provinsie-Previously-Known-as-Transvaal (okay, ek
weet dit raak nou afgesaag, maar dis nog heavier om te
sê Mpumalanga, Gauteng, Noord-Wes en Limpopo), wat my
ondersteun het: Dit was 'n voorreg. Ek wens julle
volgehoue sukses toe.
Aan al die mense wat saam op my musiek gejol het en CD's
gekoop het in b.g plekke (dis darem bietjie bondiger) :
Julle maak my hart so bly....Hop daai stêre so mooi in
pas!
Aan al die studios, virtuoso's en agente wat my 'n
musiek loopbaan help begin het: Ouens, ek wens ek kon
julle saamvat, maar ek is seker ons gaan mekaar bly
ondersteun.
22 Julie 2004:
Die groot nuus is dat my eerste CD, Ons is Oraait, nou
beskikbaar is! Dis 'n EP met 7 oorspronklike liedjies en
hy word verkoop teen R50 (sien, ek is nie net plat nie,
ek is cheap ook :-).
Ek wil graag die volgende mense, wat met die produksie
gehelp het, bedank:
1) Christo du Plessis - vir sy ure en musikale genie met
die verwerkings
2) Wikus Koen - vir al sy moeite en briljantheid met die
opnames en kitaar werk
3) Ben Wilmot van Hot Dot Print - vir die ekstra mooi
maak van die omslag ontwerp en die spoed waarmee hy die
print job afgehandel gekry het
Ouens, ek is julle ewiglik en inniglik dankbaar! Sonder
julle hulp sou dit nie moontlik gewees het nie...
Dan wil ek ook vir Radio Panorama, Radio Kriel, Radio
Ermelo en Radio Rosestad bedank vir die heerlike
onderhoude en die feit dat hulle genoeg in my glo om die
eerstes te wees wat die CD speel.
Ook 'n groot dankie aan almal wat reeds die CD by gigs
gekoop het. Julle maak my hart so bly...dankie vir julle
ondersteuning!
Ek is natuurlik ook druk besig met gigs en is steeds
aangenaam verras met die response en feedback wat ek van
audience members kry. Mense, dis hoekom ek musiek in die
openbaar maak en nie net in my eie sitkamer nie....dis
amazing om te sien hoe julle luister, dans en
saamsing en dis nog lekkerder as julle kom gesels na die
tyd. Ek weet my looks en groot bek is seker partykeer
skrikwekkend, maar ek is regtig skadeloos, veral as jy
my met 'n J&B paai. :-)
Die volgende gigs is in Potgietersrus en Rustenburg. Kom
se hallo as jy in die omtrek is.
Check julle met die tunes!
20 April 2004:
O, die liewe KKNK, KKNK, KKNK....
Wat ek heel waarskynlik reg gedoen het op KKNK:
1) Ons het by 'n dominee en sy gesin op De Rust gebly
(so 35 km van Oudsthoorn af). Mevrou dominee maak die
heerlikste ontbyte en het ons behoorlik op die hande
gedra. De Rust was beautiful en 'n lafenis na elke dag
se gewoel op Oudtshoorn. As jy ooit KKNK doen, probeer
verblyf kry by Chris (die dominee) en Marié Cronjé. Dis
soos om vir pelle te kuier.
2) My songs en optredes het actually baie goed afgegaan.
Moes selfs hier en daar langer slots doen (op audience
aanvraag) en het die wonderlikste feedback gekry. Ek is
natuurlik die verbaaste van almal hieroor, om nie van
verlig te praat nie (dis nou omdat dit lyk of ek die
regte keuse gemaak het deur, as performer, by
sarkastiese boere-musiek te bly).
3) Het by my beginsels gestaan en nie covers van
oorbekende songs gedoen nie, net my eie goed.
4) Is gevra om vir 'n paar baie talentvolle performers
songs te skryf.
5) Het die moeite gedoen om die lang grondpad te ry en
toe nog 'n kilo te stap na die waterval by Oude Muragie,
waar 'n ander padda (die regte soort wat in die water
bly) my "herken" het met aankoms en toe die res van die
tyd op 'n klip teenaan my gesit het (sulke goed tickle
my vreeslik).
Wat ek defnitief verkeerd gedoen het op KKNK:
1) Ek het nie CD's gehad om te verkoop nie en mense het
actually na elke slot daarvoor gevra.
2) Ek was nie bewus van helfte van die stages waar ek
dalk slots kon gekry het as ek nie, soos gewoonlik, weer
als op die laaste nippertjie try organise het nie.
3) Het te min foto's van optredes geneem (as die man wat
die heeltyd foto's van my op die Vonk stage geneem het
hierdie lees, kontak my asb, ek sal graag van die foto's
by jou wil koop).
4) Het hopeloos te min gesien, want het (a.g.v. gebrek
aan tyd en fondse) maar meesal by die free stages
uitgehang.
5) Het te laat op daai afdag van my by Oude Muragie
uitgekom.
6) Het elke dag die weer verkeerd opgesom en op warm dae
met jeans en my suede jas oor die arm rondgeloop en op
die dag wat dit gereën het en koud was een van my
kleinste en dunste t-shirts aangehad.
7) Het by die Engen op Colesberg se Wimpy gestop vir
aandete oppad terug. Ek kan nog nie samehangend daaroor
praat nie, want ek raak naar elke keer as ek aan daai
vuil, mislike manageress en koue, vrot kos dink.
My take van ander optredes wat ek gesien het:
The good - Wicus van der Merwe, Die Melktert Komissie,
N3 -something (kan nie hulle naam onthou nie, net die
vrou se ongelooflike stem en performance), Hi-5
The bad - As ek nog een keer in my lewe Loslappie hoor,
is die kans vir blywende sielkundige skade redelik groot.
Self Jacques de Coning, wat die eerste nuwe weergawe van
die song uitgebring het (dis 'n ou traditional, vir die
wat nie weet nie), het gesê hy wil dit nie meer sing nie.
En dis nie die enigste cover wat tot vervelens toe
gedoen is nie. Ag nee man, dis 'n kunste fees, kon mense
nie meer kreatief en oorspronklik wees nie? To coin a DA
phrase: "Suid-Afrika verdien beter"
The ugly- Daar was sowragtag "kunstenaars" wat gedink
het passies en outfits is belangriker as om regtig te
sing en saammet hulle CD's gemime het. Dis sulke
con-artists wat die hele bedryf 'n slegte naam gee.
23 Maart 2004:
Kyk, hier in Villiers gebeur dinge wat musiek aanbetref.
Hier is 'n recording studio, 'n booking agent, 'n ander
solo kunstenaar en 'n band. Nou ja, ek kan alweer nie
anders as om my vingers in elke pie te hê nie. Maak vir
almal websites, skryf songs en helps selfs met
production en backing vocals by die studio.
Het 6 slots by KKNK gekry en sien vreeslik uit daarna (sommer
ook net weer om die Kaapse plekke te sien waar ek jare
laas was).
Ek't mos besluit om 'n boeremusiek CD te maak en het
Christo van Lente-oes Boere Orkes oortuig om vir my die
backtracks te doen (het dalk iets te doen met die feit
dat hulle van my songs op hulle nuwe CD wil sit). Hy is
tans besig met die produksie van hulle nuwe album, so sy
tyd is min, maar hy het darem vir solank 2 gemaak vir
KKNK. Die ander sal seker oor so 'n maand of 2 gemaak
kan word.
19 Februarie 2004:
Ek geniet my absoluut gate uit in Villiers, dis die
niceste en mooiste plek en ek mission op my eie planeet
hier rond.
Het besluit om my ander kommersiële dienste uit te gooi
en konsentreer nou net op musiek en teks skryf.
Het ook einde Januarie vir 'n liedjieskryf kompetisie in
geskryf en is toe sowaar een van die 3 finaliste (uit 72
inskrywings landwyd). Karen Hougaard het gewen, maar ek
is redelik impressed met my self, want ek het 'n paar
groter name geklop om 'n finalis te word.
17 Desember 2003:
Raai wat doen ek terwyl julle vakansie by die see hou?
Ek trek....en nie sommer net om die hoek in my gewone
milieu rond nie, nee ek move na die kleinste dorpie wat
ek tot dusver gesien het...Villiers in die Vrystaat. Het
onlangs daar gaan optree by ‘n private function. Dit was
die Donderdag....teen die Vrydag is die besluit geneem
en van 5 Januarie af operate ek in die platteland.
Ja, ek was maar nog altyd bekend vir my gat-oor-kop
besluite, maar hierdie een voel reg. Ek is fed-up vir
die stad en die gewone manier van doen en nou gaan ek in
my droom huis bly. Dis nou daai tyd van my lewe wat ek
die kans gaan vat en doen waarvan ek hou in 'n omgewing
wat my pas.
Wat die songwriting aanbetref, gaan ek voort om vir alle
genres te skryf (is ook gevra om songs vir 'n bekende
boeremusiek orkes voor te lê).
4 September 2003:
Piketberg was groot avonture met die kombi se ratkas wat
ingegee het, Robbie Klay se "Radio H", wat van die moeg
en frustrasie van ure langs die pad so bietjie gelig het
en daai Piketbergers wat langarm moves gooi soos ek
lanklaas gesien het.
Die naweek was mooi met die groene en bloue van die
Kaapse landskap en die aksente uit my kleintyd (ja, ek
kom van die Wes-kaap af), maar dit was ook lang nagte en
lang ritte.
More vat ons weer die pad Naboom toe, seer keel of te
not.....ja, ek klink al weer soos Rod Stewart met 'n
konsertina, maar dis nie asof ek my van sulke klein
dingetjies laat afsit nie....
6 Augustus 2003:
Ek het Vrydag my nuwe kitaar gekoop!!! Ek spring nog
elke keer, as ek na haar kyk, op en af en gil soos 'n
kleintjie van exitedgeid (sy't nog nie naam nie, maar ek
weet net dis 'n "sy").
Het die hele Vrydag rondgery om haar te soek en na
Ovasions en Washburns en die vader weet wat als gekyk,
maar die amazing kitaarspeler wat by Musica Instruments
in Atterburry Retail Park werk, het dadelik, toe hy my
hoor speel, 'n Cort voorgestel en toe die girl van die
rak afgeruk. Een strum and I was sold.
Ek en Cas 'Plankies het haar Vrydagaand om die vuur
ingewy met 'n vet jam session (van 7 uur die aand tot 3
uur die volgende oggend - ons was minder vars Saterdag
oggend, met hoofpyne en seer vingers).
12 Junie 2003:
Die gigs begin meer raak en ek het nog 'n agent raak
geloop wat vir my gigs wil boek, veral in die Gauteng
area, maar ek moet natuurlik eers vir hom 'n demo ook
gee om vir die venues voor te lê.
Dinge gebeur, so ek voel dis nou tyd om ook meer voluit
te gaan vir die career as performing artist.
Om die dinge ordentlik te doen, kort ek 'n CD, posters,
'n music video en 'n nuwe kitaar en ek het nie self die
fondse daarvoor nie. Ek is dus opsoek na sponsorship.
Enige belangstellendes my kontak by platanna@gypsy.co.za
(is ek nie besonder optimisties nie?!) en
ek belowe julle, julle sal waarde vir julle geld kry wat
bemarking aanbetref (ek was nie verniet vir 7 jaar in
verkope en bemarking nie).
Mei 2003:
Soos julle weet, het ek die rumour begin versprei dat ek
songs kan skryf. Ek is skaars oor die verbasing dat
ander mense ook dink ek kan dit doen en my actually
daarvoor betaal, toe word ek deur 'n agent "ontdek" en
nou doen ek al Saterdag my 4de gig.
Kyk, toe hy my nader en sê hy wil vir my gigs boek, het
ek begin panic en histeries gegiggel, want ek het nie 'n
band nie en kan nie goed genoeg kitaar speel nie, maar
darem ook vinnig besef dis 'n kans wat ek moet gryp. Ek
se toe net ja, dis reg... en figure na die tyd uit hoe
ek dit gaan doen.
Na 2 dae se dink en panic en te veel sigarette, kom ek
toe tot die gevolgetrekking dat net mense soos Anton
Goosen (wat bands kan betaal en vir wie hulle tou staan)
dit kan bekostig om snobisties te wees oor backtracks.
Met 5 dae oor voor my eerste gig laat ek dus inderhaas
backtracks maak en nou doen dit maar die ding. Ek sal
nooit nee se vir 'n live band nie, maar is uit
ondervinding nie baie optimisties oor die prospect van
muso's kry wat bereid is om die pad deur duk en dun te
stap nie.
April 2003:
Ek besluit toe mos om einde laas jaar my job te los om
my eie ding te doen. As jy sonder geld (en dus luxuries)
kan klaar kom en bereid is om nagte om te lê en budget
uitwerk in plaas van slaap, beveel ek dit beslis aan.
Vir my sense of freedom en self-worth is dit egter
amazing. Ek werk 10 keer harder, maar ek doen wat ek
altyd wou en word actually 'n rand of twee daarvoor
betaal.
Dis so lekker, ek het sommer my hare ook afgesny.
Ek is tans besig met recordings vir 'n nuwe compilation;
"Roer". Ek het 7 van die songs op die album geskryf en
sing twee self.
|
