SALVOKOP
BLUES
My huisie
is klein, my gedagtes onrein
Die staat sê hy’s jammer en die werkers word armer
en ek begeer, mm mm, ek begeer
My sente
in die bank hou regtig nie lank nie
Want hoes en betaal bly die wet van Transvaal
en ek begeer, mm mm, ek begeer
Chorus:
Ek is bedoel vir ‘n lewe van gemak
Ek kan leer om na my asem te snak
terwyl almal my op die hande dra
ja, ek begeer , mm mm, ek begeer
Ek’s
omgeef van bak hande en ek kners op my tande
Ek verdrink in die skuld en jy bly op die bult
oe, ek begeer, mm mm ek begeer
Ek is
siels uitgeput van sukkel en kla
Moet my net nie vra om jou probleme te dra
want ek begeer, mm mm, ek begeer
Chorus
Lirieke
en Melodie: © PlatAnna (1992)
CD: Halleluja Suid-Afrika - PlatAnna & Die
2-Year-Guarantee Band
(April 2006)
|