BLANCHIE EN OUMOU: ‘n REINE
LIEFDE
Op stap met hul trollies
by die self-service plek
het Blanchie vir Oumou
in ‘n botsing ontdek
Die ding het begin
onder Sanpic en Vim
want wie kan besin
onder Sanpic en Vim
Haar trollie het ontspoor
en met syne konnek
en albei is raaklings
tot romanse gewek
Die ding het begin
onder Sanpic en Vim
want wie kan besin
onder Sanpic en Vim
Die botsing was pynlik
maar genadig fataal:
onder skerwe en skuim
is hul gloeiend gehaal
Die ding het begin
onder Sanpic en Vim
want wie kan besin
onder Sanpic en Vim
Hul kinders is blankes
-toutologies bepaal!-
op die keper beskou
tog ‘n O.K.-verhaal
Lirieke:
Gedig deur Hennie
Aucamp
Melodie: ©
PlatAnna 2005
|